سمك لبن تمر هندى !!!!!!!!!!
فى ساعه مسا ودماغى رايقه ودى مابتحصلش كتير قلت ادخل على الصحف الالكترونيه واشوف احوال الدنيا ايه دخلت على عدة جرايد منها الاسبوع والشروق واليوم السابع وقعدت اقرى مقالات الكتاب والصحفين وانا بحب جدا اشوف تعليقات القراء لأنها بتعكس وجه نظر الجمهور فدخلت على اليوم السابع ولاقيت مقال لكاتب اسمه (تامر عبد المنعم ) انا فى الاول الاسم مالفتش نظرى زى مالفتش نظر حضراتكم بس عادة الصحف الالكترونيه بتضع المقال وجنب منه صورة الكاتب فلا قيت صورة واحد ممثل انا فى الاول اندهشت ازاى ولاقيت ليه عده مقالات برده على نفس الجريدة بينى وبينكم استغربت جدا!!!!!!!!!!!!!!!!!!!!!!! هى الحكايه بقت سمك لبن تمر هندى المهم دخلت على تعليقات القراء وفعلا لاقيت وجهه نظرى فى كلام القراء اول قارىء كاتب بالنص كده ( ياعم انت ايه اللى جايبك هنا هو انت مش المشخصاتى ) هنا بقه عرفت ان الحكايه سمك لبن تمر هندى انا مانكرش ان مقالات اللى حد ما كويسه بس اللى دايقنى ان بلدنا مافيهاش تخصص لو كل واحد بيتخصص فى شغله مش هيبقى حالنا كده انما المثثل يشتغل صحفى والمطرب يمثل والصحفى يروح يبيع خضار لو انت مش قد شغلتك ماتشتغلهاش وتتحمل عبئها كل واحد من البدايه يقدر يختار صح من هنا عرفت العيب فين فى بلدنا العيب هو ( سوء الاختيار ) لو بنختار شغلنا صح هيبطلع شغلنا كويس وممتاز انما كل واحد شايف نفسه عنده موهبه يروح يوقف حال الناس اللى هما متخصصين فى شغلهم على فكرة انا مش بهاجم الفنان تامر عبد المنعم لالالالالالالالالالا بالعكس انا معجبه بمقالاته بس برده مش عاجبنى حال بلدى لازم نتغير ومش هنتغير واحنا حاطين ايدينا على خدنا لا هتتغير بينا وبالشغل والترتيب والنظام والكفاح والتخصص ياريت ياشباب بلدنا نفهم بقه دورنا علشان لما نموت ونتحاسب عمرنا فنناه فى ايه نعرف نجاوب مش نقول على النت والكافيه والمتشه دعوه من اخت مصريه يارب حال بلدنا يتغير *********

h1n1( اتش 1 ان 1 )
انا مش جايه اقول عن انفلوانزا الخنازير الكلام اللى بيتكرر على شاشات التلفزيون وفى الصحف المصريه والاجنيه لا انا جايه اقول كلمه واحدة :
ليييييييييييييييييييييييييييييييييييييييييه؟؟؟؟؟؟؟؟؟؟؟؟؟؟؟؟؟
مادام فيه حجر صحى فى المطارات ازاى المرض دخل بلدنا انا مش بجيب اللوم على البلد لا بس بحاول الاقى اجابه او تفسير لكل اللى بيحصلنا داه بصراحه مش لاقيه اى تفسير الجامعه الامريكيه وطلاب الجامعه الامريكيه طب ازاى ياجماعه العدوى بتزيد كانت حاله واصبحت 3 وبعدين بقت 5 يعنى خلاص احنا فى العد التنازلى طب نعمل ايه يعنى النهاردة شوفت الناس لابسه كمامات والكمامات وصل سعرها ل40 جنيه طب البلد توفر كمامات للناس اللى مش هتقدر تشتريها لانها فعلا خايفه وفيه حاله من الخوف والقلق بين الشعب يمكن ماوصلتش لدرجه خوفنا من انفلونزا الطيور لا اكتر بكتير لا والاسخن من كده ان الدوله بتدرس خطه انها تغلق مترو الانفاق عقبال مانتأكد ان الموض خلاص رحل عنا ياسلام طب تعالوا كده نشوف لو اغلقنا مترو الانفاق هيحصل ايه داه مخفف عن البلد اعباء مش هنحس بيها غير لما نفقده داه كفايه حوادث الطرق اللى بتحصل كل يوم على الطرق السريعه ولا داه فى وجود المترو امال فى عدم وجوده هيحصل ايه ؟؟؟؟؟؟؟ ممش عارفه فاضل ايه تانى بيقولوا انفلونزا خيول داه اللى ناقص بس احنامش هنقدر نحط كل اللوم على البلد علشان دى بلدنا ومهما حصل هتفضل لينا وبينا بلدنا مهما بيحصل فينا منها !!!!!!!!!!!!!!
بس يارب نلاقى حل وحل سريع كمااااااااااااان لاحسن خلاص العد التنازلى ابتدىء ومش عارفين هيحصل ولا احنا رايحين على فين؟؟؟؟؟؟؟؟؟؟؟؟

من هى المرأة التى يكرها كل الرجال؟؟؟
بمناسبة الموضوع اللى مش ظريف اللى نزلته المرة اللى فاتت
قلت المرة دى انزل موضوع طريف شويه ويخص الرجل والمرأة
تعالوا نشوف يا بنات ايه اللى مش بيعجب الولاد فينا ونحاول نغير نفسنا
ولو اننا مش هنعرف تعالوا نشوووووووووووووف
دى الصفات اللى مش بيحب الرجل يشوفها فى المرأة :
1- المرأة المسترجلة :
التى تزاحم الرجل فى كل شىء بما فى ذللك ميادين العمل
الخاصه بالرجال رافعه صوتها مطالبه بحقها فى المناصب
والقيادات بما يضمن لها الدستور فى بلادها .
2- المرأة المجادلة :
التى تناقش الرجل فى كل كبيره وصغيرة ولا توافقه على كلامه
حتى وان كان على حق لمجرد المجادله والمناقشه حتى
تثبت له انها فاهمه وواعيه لكل شىء
3- المرأة المادية :
التى تعشق المادة ولا ترضى لها بديلا وتطالب بكل شىء
حتى وان كانت فى غنى عنه لمجرد انها تعشق المال
وتريد ان تمتلكه
4- المرأة الكاذبه :
التى تمللك كل الصفات البريئه لكنها بلسان لا يعرف
الا الكذب فى كل اقوالها
5- المرأة المتحررة :
التى لا تلتزم بدين ولا تتقيد بأصول وعادات
ولا يردعها حياء أو خجل متحررة فى ملابسها وافعالها
وحتى الفاظها
6- المرأة الممله :
التى لا تحب التجديد فى حياتها ولا التغير فى
بيتها ، دائمه الانشغال فى شغل البيت والاولاد
والمطبخ لا تعرف الحوار ولا المناقشه كل
تفكيرها منصب على البيت فقط متناسيه
ان التفاهم والتجاوب العقلى لا يشبعه
غير المراة
7- المرأة الغيوره :
الغيره الزائده التى تقتل بغيرتها القاتله
وشكها الدائم كل شىء جميل بينها وبين الرجل
8- المرأة الطموحه :
التى تنشغل عن البيت والزوج والاطفال وتلهث
دون كلل او ملل خلف طموحها واحلامها
9- المرأة القوية :
التى تفرض رأيها وكلامها بقوة شخصيتها
ولسانها الفتاك
10- المرأة الثرثارة :
التى لا تعرف للسكوت معنى او طريق دائما
تتحدث مع زوجها وكل الاوقات وفى اى
موضوع ولا تسكت ولا يسكنها شىء
ابداااااااااااااااااا
منقوووووووووووووول
طيب هتسألونى ايه الطريف فى كده
الطريف ان كده الاولاد مش هيلاقوه
بنات يتجوزوها !!!!!!!!!!!!!!!!!!!!!!
لأن كل بنت اكيد فيها خاصيه او خاصيتين
على الاقل فلازم يستحملونا شويه
هههههههههههههههه
انا بقول لكل البنات لازم نكبر عقولنا
علشان هحنا هنبقى امهات وهنشيل
مسئوليه بيت واطفال وزوج
يعنى مش على الهيفه وهنقف
وكمان الولاد انتم كمان يعنى
مش لازم الحاجة اللى بضايقنا
تيجى تعملوها داه اسمه
العنددددددددددددددد
والعند داه شىء غبى بالذات
لو كان عند زوج وزوجة
وربنا يهدى شبابنا وبناتنا
نصيحه من بنت مصريه
...................................

تخيلوا !!!!!!!!!!!!


لا اله الا الله محمد رسول الله


مش عايزة ازعكم ولا اتعبكم


بالصورة اللى نشرتها مع الموضوع


بس الصورة دى حكايتها حكايه


كل واحد منا بيحب قدوته يبقى شيخ من الشيوخ او دكتوره


فى الجامعه او ابوه او عمه او شخصيه مهمة وبيحاول على قد مايقدر


يغير نفسه ويبقى زى الشخصيه دى علشان بيحبها


بس الغريب ان شخص يحاول يغير نفسه


ويبقى ( شيطان ) لا حول ولا قوة الا بالله


شيطان اه هو داه اللى فاضل


بعيدا على ان الشاب داه مش مصرى واكيد مش مسلم هو غربى


بس صعب الواحد يشوف شخصيه تغير نفسها وتبقى شيطان


تعالوا نشوف كلامه :
( هذا الشاب أراد ان يحول مظهره الى هيئة شيطان
يدعى هذا الشاب " كين " وهو من كولومبيا طلب
من صديق له خبرة فى تغير الاشكال والاوشام أن يحول شكله
الى شيطان ، فقام بوضع قرون سيلكون طولها 6 سنتيمتر
تقريبا وقام بأعادة تشكيل أنفه كأنف الشرير فى فيلم
هارى بوتر كما يقول صديقه يقول كين :
انه يشعر بالسعادة لهذا التغير الذى لطالما ارداه )
لا حول ولا قوة الا بالله
الواحد بيغير فى نفسه للأحسن مش لشيطان والعياذ بالله
اااااااااااااه منك يا زمن
لسه مخبلنا ايه ؟؟؟؟؟؟؟؟؟؟؟؟؟؟؟؟؟
وهى دى افكار الشباب اللى بتغير المجتمع
!!!!!!!!!!!!!!!!!!!!!!!!!!!!!!!!!!!!!!!

مصر بيحصل فيها ايه ؟؟؟؟؟؟؟؟؟
ماحدش سأل نفسه مصر بيحصل فيها ايه ؟
اليومين دول بالذات ...................
كذا حريق فى بلدنا بيحصل
حريق التوحيد والنور فى حلوان
وحريق فى الشرابية ( الخشب )
وحريق سوق الجمعة
ايه يا جماعة كل الحرايق دى انا ماعملتش الموضوع داه علشان
اتكلم عن الحرايق واسبابها واردد وراكوا واقول ماس كهربائى لالالالالالالا
انا بس بتكلم عن بلدنا وبقول ايه اللى بيحصل لينا ؟
هو الماس ورانا ورانا واللى الناس بتعادى بعضيها
يعنى بتاع الخشب داه حرق المكان كله
علشان باب!!!!!!!!!! فين العقل بقه ؟
منظرنا ايه قدام دول الغرب والعالم كله
احناماصدقنا 2008 رحلت بكل الحوادث المشينه
وجت سنه سعيد 2009 اكيد قضاء وقدر
وحاجة مش هاينفع نهرب منها ان كل داه قضاء وقدر
بس ليه كل داه انا نزلت التوحيد والنور بعد الحادثة
ومش قادرة اقولكم منظره عامل ازاى
المكان بعد ماكان منور وفاتح 24 ساعة والناس داخله وخارجة
اصبح عبارة عن رماد مكان اسود مش باين له ملامح عبارة عن عمدان
واقفه وبس انتبنى شعور بأنى اردد
لا حول ولا قوة ألا بالله العلى العظيم
سبحان الله
وفضلت ربع ساعة بعدها مش بتكلم واقول ليه ؟
ليه بلدنا دايما الحروق مستمرة
بجد مش عارفة اقول ايه ؟
بس بجد ياريت نقف جنب بعضنا ومانعاديش نفسنا
ونكبر عقلنا شويه
وربنا يصبر الناس اللى حصل لهم كده
وترجع مصالحهم احسن من الاول
ياررررررررررررررررب

نيولوك شباب جامعتنا !!!!!!!!

أنا هبدأ الموضوع بسؤال ونفسى حد يجاوبنى عليه :
هى الجامعة ساحة للعلم مكان نتعلم فيه ولالالالالالالالالالا بقت سورى ،، كباريه ،،؟
ليه يا جماعة سمعة الجامعات كده ؟
ليه سمعة بنات الجامعة بقت كده ؟
ليه لما تقول لحد انا من جامعة حلوان ؟
يفتكر الفضايح بتاعه الجامعة ؟
ومايفتكرش ان الجامعة طلع منها مهندسين ودكاتره وناس جامدة فى بلدنا ؟
عاااااااااااااااااااااااارفين ليه .
انا اقولكم : علشان البنات والشباب اللى فى الجامعة بقوا فى قمة الاستهتار
البنات تبقى البنت نازله من بيتها ماعرفش نزلت كده ازاى
لابسه بدى وجيبه يعنى تحت الركبه بشويه ورجلها من تحت باينه داه كله مش مهم
المهم انها بتكون لابسه حجاب ...............................................
اقول ايه ؟ لازمه الحجاب ايه بقه ؟ يعنى الجيبه قصيرة والبدى هايفرقع من الضيق عليها طب وبعدين
هنفضلل لغايط امتى نقلد فى الغرب ونقول نيولوك وموضه
يخرب بيت النيولوك اللى يخلى البنت تتخلى عن دينها
ويخلى الولد يمشى فى طريق غلط نهايته غلط
الشباب بقة اكتر ظاهرة لفتت نظرى فى الجامعة عند الشباب
البنطلون low esst البنطلون الساقط
ساقط ليه ماعرفش بيبقوا لابسين البنطلون اساسا داه محصلش بنطلون
هههههههههههههههههههههههههههههههههههههههههههه
والله الدنيا اتغيرت واتغيرت قوووووووووووووى
بس لحد امتى ياشباب وبنات الجامعة هنفضل ساكتين ونقول اصل الموضه
اصل صحابى اصل دماغى .........................
ياريت نفوق شويه وننتبه لدينا اللى ليه حق علينا واكبر حق كمان
وداه ميمنعش ان الجامعة زى مافيها وحش فيها كويس
واكيد الناس الكويسة دى هى اللى بتخلى امل فى الحياة وامل فى الشباب
دعوووووووووووة لكل الشباب
قبل فوووووووات الاوان

بلدنا لسه بخير !!!!!!!!!!!!

ليه بنقول على بلدنا انها مابقتش زى زمان

ليه بقينا عاملين نتكلم عليها انها مش نظيفة

وان كل الاماكن مابقتش حلوة

وان الواحد عايز يهج منها

وان .ان .ان.ان................

ليه؟؟؟؟؟؟؟؟؟؟؟؟؟؟؟؟

دى مصر يا ناس

مصر ام الدنيا وبعدين طول مافيها

النيل العظيم هتفضل جميلة

وطول مافيها الاهرامات

هتفضل جميلة

وطول مافيها الكورنيش والوقفة على النيل

ونشكيله همومنا اللى مانقدرش نحكيها لحد

هاتفضل جميلة ...............

عندكم شك فى كده ؟

لو عندنا مجرد شك فيها

يبقى ماكنش هيبقى فيها ال

80 مليون نسمةةةةةةةةةةةةة دول

رغم ازمات العيش والانابيب والمواصلات

والبنزين وازمة التعليم والطلاب

الللى بيموتوا فى المدارس هتفضل برده مصر

اللى الواحد لو خرج عنها وراح بلد تانيه

هيفضل يحن ليهاعلشان زى ماقالت شرين

ماشربتش من نيلها

وفوق كل داه وداه

طول مافيها شعب مصر الكريم

الاصيل الطريف صانع النكته

هتفضل برده جميلةةةةةةةةةةةةةةةة

اهداء الى كل الشعب المصرى